ஆடிப்பூர நாளில் தெல்லிநகர் துர்க்காதேவி சித்திரத் தேரில் உள்வீதி உலா(Photos)

சர்வ வல்லமை மிக்க அம்பிகைக்கு உகந்த ஆடிப்பூர நன்னாளை முன்னிட்டு வரலாற்றுப் பிரசித்திபெற்ற யாழ்.தெல்லிப்பழை ஸ்ரீதுர்க்காதேவி ஆலய வருடாந்த ஆடிப்பூர விசேட பூசை வழிபாடுகள் நேற்றுத் திங்கட்கிழமை(01.8.2022) சிறப்பாக இடம்பெற்றது.

முற்பகல்-11 மணிக்குப் பூசை வழிபாடுகள் ஆரம்பமாகி முற்பகல்-11.30 மணிக்கு வசந்தமண்டபப் பூசைகள் இடம்பெற்றது. அதனைத் தொடர்ந்து துர்க்கை அம்பாள் அலங்கார நாயகியாக சூலம் ஏந்தி அழகிய சிறிய சித்திரத் தேரில் எழுந்தருளினாள்.

அதனைத் தொடர்ந்து முற்பகல்-11.50 மணியளவில் அடியவர்கள் புடைசூழ சிறிய தேரின் உள்வீதி உலா ஆரம்பமானது.

(செய்தித் தொகுப்பு:- செ.ரவிசாந்)