கோப்பாய் ஆசிரியர் கலாசாலை நிறுவப்பட்டு 101 ஆவது ஆண்டு நிறைவை முன்னிட்டுக் கலாசாலை தின விழா நாளை செவ்வாய்க்கிழமை (01.10.2024) காலை-08.30 மணி முதல் மேற்படி கலாசாலையின் ரதிலட்சுமி மண்டபத்தில் நடைபெறவுள்ளது.
கலாசாலை முதல்வர் சந்திரமௌலீசன் லலீசன் தலைமையில் இடம்பெறவுள்ள நிகழ்வில் யாழ்ப்பாண வலயக் கல்விப் பணிப்பாளர் திருமதி.ஜமுனா ராஜசீலன் பிரதம விருந்தினராகக் கலந்து கொள்வார்.
கலாசாலை நிறுவுவதற்கு நிலத்தை வழங்கிய சேர் பொன்.இராமநாதனைக் கௌரவப்படுத்தும் வகையில் சேர் பொன் இராமநாதன் ஞாபகார்த்த நினைவுப் பேருரையை "ஆசிரிய கல்வியியலாளர்களின் தத்துவ ஆராய்ச்சிப் பட்டங்கள் தொடர்பில் மேற்கிளம்பும் சவால்களும் அவற்றைத் தாண்டிப் பயணித்தலும்" எனும் தலைப்பில் யாழ்ப்பாணப் பல்கலைக்கழகக் கல்வியியல்துறை விரிவுரையாளர் இ.சர்வேஸ்வரா நிகழ்த்துவார்.
