வரலாற்றுச் சிறப்பு மிக்க மாவிட்டபுரம் ஸ்ரீ கந்தசுவாமி கோவிலுக்கெனப் புதிதாக நிர்மாணிக்கப்பெற்ற 24 அடி உயரம் கொண்ட திருமஞ்ச வெள்ளோட்ட விழா இன்று புதன்கிழமை (24.01.2024) முற்பகல் சிறப்பாக நடைபெற்றது.
தைப்பூச நன்னாளான நாளை வியாழக்கிழமை(25.01.2024) மாலை-06 மணிக்கு வசந்தமண்டபப் பூசையைத் தொடர்ந்து மாவைக் கந்தப் பெருமான் புதிய திருமஞ்சத்தில் உலா வருவார் என மாவை ஆதீனகர்த்தா மகாராஜஸ்ரீ து.ஷ.இரத்தினசபாபதிக் குருக்கள் தெரிவித்துள்ளார்.
தைப்பூசத் திருநாளான நாளை மாலை-03 மணியளவில் அடியவர்கள் அடியவர்கள் பால் காவடி எடுப்பதற்கான ஒழுங்குகளும் மேற்கொள்ளப்பட்டுள்ளன. பால்காவடி எடுக்கும் அடியவர்கள் ஆலய ரதவீதி ஊடாக வலம் வந்து முருகப்பெருமானுக்கு அபிஷேகம் செய்வதற்கான ஏற்பாடுகளும் செய்யப்பட்டுள்ளன. எனவே, பால்குட பவனியில் பங்குகொள்ள விரும்பும் அடியவர்கள் நாளை மாலை-03 மணிக்கு முன்னர் ஆலயத்திற்கு வருகை தந்து பால்காவடியில் பங்குகொள்ள முடியும்.
முருகப் பெருமான் அடியவர்கள் அனைவரும் ஆலயத்திற்கு வருகை தந்து தைப்பூச நாளில் மாவைக் கந்தனின் திருமஞ்சம் வடம்பிடித்து இஷ்டசித்திகள் பெற்று உய்யுமாறும் மாவை ஆதீனகர்த்தா அழைப்பு விடுத்துள்ளார்.
(செ.ரவிசாந்)
