நல்லூரில் நாளை தெய்வீக இசை அரங்கு ஆரம்பம்

வரலாற்றுச் சிறப்பு மிக்க நல்லூர்க் கந்தசுவாமி ஆலய வருடாந்தப் மஹோற்சவப் பெருந் திருவிழா நாளை வெள்ளிக்கிழமை (09.08.2024) கொடியேற்றத்துடன் ஆரம்பமாகவுள்ளது. 

இதனை முன்னிட்டு இளங் கலைஞர் மன்றத்தின் ஏற்பாட்டில் தினமும் நல்லூர் முருகன் உற்சவகாலத் தெய்வீக இசை அரங்கு நிகழ்வுகள்-2024 மேற்படி ஆலயச் சுற்றாடலில் அமைந்துள்ள நல்லூர் துர்க்காதேவி மணிமண்டபத்தில் ஏற்பாடு செய்யப்பட்டுள்ளது.

நாளை மாலை-06.45 மணியளவில் மங்கள விளக்கேற்றல், தேவாரம், ஆசி உரையுடன் தெய்வீக இசை அரங்கு நிகழ்வுகள் ஆரம்பமாகவுள்ளன. இதற்கமைய நாளை மாலை-06.55 மணி முதல் இரவு-08.05 மணி வரை மங்கள இசை நிகழ்வு இடம்பெறும்.